記得細個有一次，因為我高咗，條牛仔褲開始有d 吊腳，媽咪話要帶我去買條新嘅牛仔褲。
但屋企唔係好有錢，當時我唔想媽咪嘥錢，所以有日自己放咗褲腳d 線頭，以為等條褲可以長d , 咁媽咪就唔使買比我。
點知掉落洗衣機洗之後，d 褲腳變哂流蘇咁...
當時我比媽咪打到傻咗，因為佢以為我想快d 買新褲，所以專登剪爛條褲，佢覺得我好唔生性。
我一路喊一路話唔係，但最後都無講事實出嚟。因為我知講個事實出嚟，媽咪可能會好內疚。
當時我係小學4 年班，我唔知點解，由細到大，我明明一心想對身邊嘅人好，但往往做咗d 嘢出嚟係會比人誤會咗，但比人誤會咗我又唔想去解釋，因為我唔想人哋內疚。
但大個之後，我發覺如果當初我直接將我唔想媽咪嘥錢買褲嘅諗法話佢知，成件事簡單好多。
#講咁多都只係想講
#8號風球冇嘢做咪檢討吓自己囉
#同埋postcard已親手寄出🤏🏻🤏🏻
完
Search